“因緣而生將我連結那些善良的人和這個命題，要我學習善用慈悲待人待己”

“2022，因果因緣，感受至深. What doesn’t kill you, makes you stronger. 沒有那些苦的因，就不會造就我。在這年度臨近尾聲，竟巧合地於不同場景不同機緣都遇上了同一課題：慈心、慈悲、Metta。似乎是上天在給我訊號，要為我促成最有意義的治癒。我敢說，良藥不是佛陀本身，而是因緣而生將我連結那些善良的人和這個命題，要我學習善用慈悲待人待己，更讓我遇到了一些對我意義甚深的人、命我珍而重之的經歷，還得到最欣喜自在的回憶。感激這陣子每一個會經以慈心待我的人。許多 ，更是我們本來就互不相識。這些都是我的福份。Thank you Metta Wellness”

— B. Ng (2022年12月)

“看見七個頌缽整齊地排列在瑜伽墊上，感覺到自己真正邁向頌缽療癒師。”

“好感恩可以參加依個課程，Helen係課程設計中，加入好多互動元素，讓我可以同partner一齊練習，practical地讓我練習。由一開始，如何與client 講解今天的流程，介紹頌缽療癒流程，到不同頌缽練習。每一個部分都有練習的時間，這些部分都是十分珍貴，因為我能夠立刻學而致用，鞏固自己的記憶。除此之外，在課堂中，能夠借用7缽進行療癒練習，這個過程也十分難得，還記得自己可以用七缽練習，我內心感到十分神奇，看見七個頌缽整齊地排列在瑜伽墊上，感覺到自己真正邁向頌缽療癒師。在練習過程中，聽到七缽的聲音令我感到十分平靜。”

— Dora Ko , 碩士社工學生（2022年4月）

“有充足的討論時間，讓我們反覆實習和研討治療手法。“

在學習成為一療癒師的過程中，必須學會照顧自己身心。在Metta Wellness的課程中，讓我們有足夠的時間和空間體驗照顧自己和學習應用療癒方法，亦有充足的討論時間，讓我們反覆實習和研討治療手法。導師Helen 亦會跟我們分享自己的經歷和須注意的地方，是一個教學相長的好地方。十分值得推介！

— 慈善教育機構 【善念學舍】創辦人、音樂創作人 Charlene Wong (2022年2月）

“我本來係一個喉輪好塞嘅人，唔會表達自己亦唔會主動同人講野，但係上完哂三堂，亦都係一個月之後，我成個人好似脫胎換骨咁，全身脈輪打開晒，主動講好多嘢。”

第一次接觸頌缽，就報咗療癒師班，好感恩自己做咗呢個決定，因為真係有好大得著！

Helen嘅教法清楚易明，有問必答，feel到好有心機教！每個位都make sure我地明白先move on，又有好足夠嘅時間做練習。最最最中意嘅係每次落堂前嘅抽卡時間，girls talk 分享心事。每次都好對應到接下落黎嗰兩個星期會發生嘅事！每位同學仔都中意到個個即刻買返副卡黎玩。喺宇宙嘅引領下，我仲踏上左玩神諭卡同奧修禪卡之路！如果無上呢個班我係真係唔會接觸到！

頌缽帶比我嘅療癒唔單止係身體上，仲包括埋情緒同靈性上。我本來係一個喉輪好塞嘅人，唔會表達自己亦唔會主動同人講野。記得第一堂嘅我真係超級摺，每次分享感受時都係最後一個先出聲，講野時一句起兩句止。

但係上完哂三堂，亦都係一個月之後，我成個人好似脫胎換骨咁，全身脈輪打開晒，主動講好多嘢，冇人叫我做分享我都主動分享🤣最後一堂有個補課嘅同學仔，咁啱同我一組，佢話完全睇唔出我之前係一個好摺嘅人，因為我哋一見面就friend咗，我都覺得好神奇！原來同陌生人講野係可以咁自然同輕鬆😂

講返學習成果，so far 聽到我嘅練習對象嘅feedback都係好好，好幫到佢地解決痛症同埋做完之後訓得好好。所以唔洗擔心會學唔識/做得唔好，係任何人都會學得識嘅工具！幫到人同時又幫到自己。真係非常推薦呢個頌缽療癒師班！！收獲完全超出哂我嘅expectations

“以前覺得有d情緒唔應該或者唔好意思表現出嚟，但做完頌缽身體按摩同Helen老師既意見同討論後，好多事情都自自然然解決左咁。所以真係好感恩多謝”

想分享返D開心野吖！話說我由年頭開始已經send CV架啦～個陣都有工見下但offer不是很好，去到2月份真係冇工見，個人開始擔心轉唔轉到工呢～之後都冇咩工 CV都冇再send…3月頭search到metta wellness 既頌缽課程，諗住學多樣野又可以幫下人幫下自己，3月17號上左第一堂 加上一星期在家練習，個人心態係唔同左，因為之前都有種心態 係咪應該是但都接受左d唔太好offer 做住先呢。上完堂後就覺得會有好既工黎緊，冇咁多擔憂同焦慮，底輪好似平衡左咁🤣

24號個個星期再去搵下工send左一份CV咁大把，隔左幾日就打黎叫我見工，interview之前都攞個缽敲下😹，其實係俾平時見工多左份自信，我都解釋唔到點解🤣，見完之後 心態都平常心，上最後一堂之前就已經收到offer，個offer仲唔錯！

真係好感恩☺️好多謝metta wellness 同 Helen老師😘仲有一班同學仔，上左頌缽課程真係release左好多負面既能量，由其係情緒，以前覺得有d情緒唔應該或者唔好意思表現出嚟，但做完頌缽身體按摩同Helen老師既意見同討論後，好多事情都自自然然解決左咁。所以真係好感恩多謝🙏🏻🥰

“有種好感謝你同自己用心既努力。深深感受到你所講既Recieve & Give。我會接受自己所患既情緒病。相信自己可以依靠自己康復。最終我真係做到。開始人會變得正面面對前面發生既事情。”

好感激有緣跟你學習。見到手上既證書。有種好感謝你同自己用心既努力。深深感受到你所講既Recieve & Give。最初起眾多外面既課程選擇左你。係因為我覺得你比我既感覺係唔商業化。我直覺頌缽本身應該係一個獨立而專門既治療。本身自己無宗教信仰。只會認為一樣野幫到你自己就係信念。事實上我相信頌缽係同宗教完全無任何關係。只係單單係可以科學原理解釋到既治療。我抱著呢個心態賞試去接觸頌缽呢過學習過程。結果可以話改變左我對前路既開始。

我深深感受到佢對我生活中身心靈既改變。心靈方面：我會接受自己所患既情緒病。相信自己可以依靠自己康復。最終我真係做到。開始人會變得正面面對前面發生既事情。至於身體方面：幾個月前我將自己既工作轉變為上門。日日帶住10幾20kg 既喼周圍去。身體已經去到勞損。後來我晚晚收工就會拎起個缽做番少少基本自我療程已經感覺身體既累開始消失。雖然而家對手筋膜炎仲未好得番。但叫舒緩到。我唸係因為整體血液循環好左。頌缽調節平衡左身體頻率。身體自我修復左。

從一個地方既小擺設。你會係感受到背後既人係咪有心去將一件事情做好。正如你唸workshop 個名一樣，好有意思。因為你既感染。我會累積我既經驗同努力。希望我將來都有能力去幫到一d 有需要既人。因為我自己係過來人。我深信我可以同理心地幫助到其他人。將頌缽介紹比其他更多有需要既人。而家剛完成治療師課程既我。已經開始對缽既音頻。震頻。延長性挑選有要求

“Our relationship with sound healing is perhaps a reflection of our relationship with this world and they are each unique and original”

“Helen’s courses are very well structured and comprehensive, from the origin and history of singing bowl to theory of seven chakras and different healing techniques. In this three day’s journey, she not only helps you build up a solid and personal understanding on the power of singing bowl, but also provides many opportunities to have real practice with different people. She is incredibly patient and attentive. What I love most about her course is that Helen always encourages you to share and ask questions. Our relationship with sound healing is perhaps a reflection of our relationship with this world and they are each unique and original. Helen encourages you to listen to yourself, embrace the difference and establish your own narrative with sound healing. As she said, the most important thing about sound healing is not skills, but the healer’s heart.  Metta Wellness an inspiring space where you can take a break from all the chaos and immense yourself in learning and growing. I am grateful for the time I have spent in that space and the people I have met through the courses. ” — Sophie Ruan. (Music Styling Industry)

“完成課程後，Helen一直都好supportive，好肯解答療癒者新手遇到嘅問題。抱住做嚟準備placement活動嘅心態，對我嚟講最rewarding係observe Helen嘅leading同intervention skills”

讀緊社工嘅我，好推介大家，特別係社工系嘅同學仔報讀呢個課程😆

第一次出placement做完mindfulness嘅小組之後，就對呢個approach好有興趣，同時覺得singing bowl係一個好好嘅means。雖然坊間都有好多頌缽療癒師課程，但係留意開Metta Wellness ig post，好感受到當中文字療癒嘅力量，覺得呢度唔止係教一個樂器咁簡單，而係融入咗好多學校上堂接觸過嘅concepts，咁啱見到有開班，所以就報咗啦～

三日嘅課堂畀我好舒服嘅感覺，pacing好好，唔係好似返學上堂咁，會go with the flow，好experiential，反而似帶領一班同學仔一齊了解、感受頌缽平靜療癒嘅力量，同時有好多討論時間，畀大家自由發表感受同領悟，或者提出問題。

抱住做嚟準備placement活動嘅心態，對我嚟講最rewarding係observe Helen嘅leading同intervention skills😆 我之後做group同program都有做singing bath同畀機會參加者自己親身體驗，活動設計參考咗好多上堂嘅經歷，debriefing都會回想返當時點樣被提問舒服得嚟lead到reflection又唔chur、咩時間回應、回應點融入underlying concepts 、咩時候allow for more reflection and discussion、帶領者自身嘅平靜、worker style點contribute to atmosphere等等，呢啲體驗者嘅視角，令到我轉到帶領者角色都比較容易掌握同得心應手，結果都呃得吓阿sa同parti，feedback都好好🤣

就算完成課程後，Helen一直都好supportive，好肯解答療癒者新手遇到嘅問題，例如唔同physical conditions適唔適合參加、有emotional trigger點應對、去到logistics上用幾多缽都畀到好好嘅意見！just wanna say without your kind-hearted support, everything won’t be possible🫶🏻 it’s grateful to see your recruitment ad at the right timing so that I can adopt this means for a valuable, intimate and insightful time with all the participants. Thank you 3000!!!

“這漸進式的安排，對我來說很適合，點滴傳教，有時間空間思考。自己都覺得領悟 到一些頌缽聲音有小小不同的分別！”

先想講聲感恩，因可以認識到你們，覺得你們好真誠，場地好舒服！ 可能因為這些原因，第一堂，在不認識的情況下，講出自己的事，又不 知為何好似人生裡一直受了好多委屈感，眼淚 不自覺的流出，這可能才是真正的釋放自己⋯真心覺得尷尬！ 此外，每次上堂，你會問有什麼感覺？身體有什麼變化？ 每次想回答你的問題時，都有困難， 可能有，但不清楚自己的感覺是否感受到啊？！ 有些掙扎，因為怕答沒有，又怕別人覺得我好似好笨，答有又好似欺騙！最終，都選擇正確的答案’沒有’！ 其實可能是有的，因最後一堂，你們都覺得我有變化，而自己都覺得領悟 到一些頌缽聲音有小小不同的分別！
三天的編排，我覺得不錯，由什麼不懂到了解共振的好處！ 明白七輪是什麼，與人體的關聯，如何重點提升其功能，幫助心身平衡！ 這漸進式的安排，對我來說很適合，點滴傳教，有時間空間思考！ 想別的課程連續二天，湧泉灌人式，又能領會多是，可能都是徒然！ 我想成為療癒師的目，一是想幫別人，二是探究是否另類工作出路。

— Caline